Onsdag 29. januar 2025 kl. 15:00 - 17:00
Tirsdag
25
April
2023
I Teater Vestland sin moderne versjon av Peter Pan møter du alle dei kjende karakterane frå J.M. Barrie sitt klassiske univers: Tingeling, dei bortkomne gutane, sjørøvarar og havfruer, og ikkje minst blir det farefulle møter med superskurken Kaptein Krok.
Kl. 18:00, Heimlund
Peter Pan- under den magiske månen
Peter Pan - under den magiske månen av Mike Kenny
John og Michael får ikkje sove og overtaler Wendy til å fortelje historia om Peter Pan, som bur i Aldriland og ikkje vil bli vaksen.
I Aldriland finst det ingen vaksne som masar om leggetid eller insisterer på at du må gå på skulen, men så finst det heller ingen som fortel godnatthistorier og breier dyna over deg når du skal sove. Difor reiser Peter Pan til vår verd for å finne Wendy. Ingen fortel betre godnatthistorier enn ho.
Regissør Philipp Stengele har sett handlinga til ein gamleheim. Vi møter John, Michael og Wendy som gamle, og dei leikar seg tilbake til den gongen dei var barn og nett som Peter Pan ikkje ville bli vaksne.
Peter Pan er ei historie om å tru på fear, om kjærleik og sakn og om å dra på eventyr saman i fantasien. Ein komedie for heile familien og den perfekte sjansen til å samle generasjonane rundt eit stykke som dyrkar leiken, uavhengig av alder.